傳媒訪問
黑糖珍珠鮮奶大熱 勁飲一個月隨時肥5磅


你要知:黑糖珍珠鮮奶大熱 勁飲一個月隨時肥5磅

黑糖珍珠鮮奶當道,為打一張「靚靚的卡」,不少人願意花錢及時間排隊購買。亦有人指出黑糖「養生」,有助補血,對女性尤其有幫助。到底此說法是否屬實?每天飲黑糖珍珠鮮奶又有什麼影響?東網為你一一拆解。

「黑糖只有好微量嘅鐵質,其實平時食多少少肉,或者食啲水果都吸收到。」尚營坊健康顧問高級營養師黃凱詩指出,黑糖與白糖熱量相若,分別在黑糖有很微量的鐵質和礦物質,但對身體實際幫助不大。鐵質是製造血液的一種重要元素,商人或會以此為綽頭,「吹捧咗喺女士經期嘅時期飲用,可以因為入面有鐵質而增加製造血液嘅能力,所以就覺得黑糖好似比較健康。」

從營養角度出發,日常應低糖飲食,「唔建議攝取太多黑糖」,當糖分進入身體後,會直接被吸收,轉化成能量。「無論佢係黑糖、紅糖定白糖,佢帶畀我哋健康同壞處其實係相似。」如果市民必須要加糖,黃建議用一些沒有經過特別精製的糖,例如啡糖或蔗糖,但千萬不要過量。只要我們平日多吃紅肉、紅腰豆、或者是一些深綠色的蔬菜,甚至是黑木耳,攝取的鐵質已比黑糖豐富。

至於近期大熱的黑糖珍珠鮮奶,似乎相較以往的珍珠奶茶更健康,「珍珠奶茶主要係用奶精,而奶精係經過人工處理嘅脂肪物質。」由於奶精並非真正的奶,攝取過多會有損健康。另外,亦要留意珍珠是致肥元兇之一,因「珍珠本身是粉糰,屬碳水化合物,而且經過糖浸泡,一份珍珠大概等如一碗飯嘅熱量。」

以一杯700毫升黑糖珍珠鮮奶計算,飲一杯等如吃了3碗飯,足足有600卡路里!一名約5呎4吋高,重110磅左右的成年女性,每日需要攝取1500卡路里,飲一杯便已經佔據了每日所需的一半熱量。「如果每日都飲用嘅話,其實好危險,每多3500卡路里,我哋就會重1磅,每日都飲一個月可能會重5磅!」

有些人會選擇做運動來消耗一杯黑糖珍珠鮮奶的熱量,不過,要消耗600卡路里需要至少連續跑步80分鐘。「個幾鐘嘅運動都唔係咁簡單。」黃凱詩指出,若是「非飲不可」,可以選擇微糖,甚或自製脫脂奶版本,「個熱量其實可以遞減一半以上。」另外亦可以用「寒天」或涼粉代替珍珠,更可以改飲對身體較為健康的無糖水果茶。